(ВИДЕО) ЌЕРКА НА ТАЈКУН ПРЕГАЗИ ЛУЃЕ: Загинаа пет лица, има десетици повредени
Објавено во: Свет 19 Октомври, 2017
Алиона Зајчева (20) ќерка на украинскиот тајкун Василија Зајчев, кој е директор на локална енергетска компанија, вчера со својот џип од марката Лексус покосила група луѓе во украинскиот град Харкив.
За несреќата загинаа пет лица, а десетици со тешки повреди завршиле на клиника.
Таа првин поминала на црвено светло, а потоа удрила во возило од марката Туарег, по што од силината на ударот нејзиниот џип се превртел и удрил во група луѓе кои стоеле покрај патот. Девојката не е повредена, а веднаш по несреќата на самото место дошле две возила со вооружено обезбедување, кои ја штителе Зајчева од разбеснетите сведоци на настанот.
Меѓу загинатите е и петнаесет годишно девојче, а помеѓу тешко повредените кои се борат за живот имало и трудница во седмиот месец на бременоста. Зајчева не била под дејство на алкохол. Таа добила тридневен притвор. Украинсите блогери јавно изразуваат загриженост дека младата наследничка може да биде ослободена иако поминала на црвено, затоа што нејзиниот татко е еден од најбогатите луѓе во Украина.