Трамп: Ќе биде прекрасен сонот без нуклеарно оружје, но ние нека си имаме за секој случај

Добивај вести на Viber

САД треба да се број еден кога станува збор за нуклеарен аресенал. Ова мислење го изрази новиот американски претседател Доналд Трамп во интервју за Reuters. 

Трамп најави дека би сакал да види свет без нуклеарно оружје, но истовремено изрази загриженост дека САД „заостанува во капацитетот во однос на нуклеарното оружје„. „Никогаш нема да имаме помал нуклеарен арсенал од која и да е друга држава, па дури и да зборуваме за сојузник. Ќе биде прекрасно, сонот, да има свет без нуклеарно оружје, но ако имаме нуклеарно оружје, тогаш ние ќе сме на чело“, рече американскиот претседател.

Според антијадрената невладина организација Ploughshares Fund во моментот САД има околу 6800 нуклеарни боеви глави, а Русија е со повеќе - околу 7000. Според антијадрениот договор START меѓу Вашингтон и Москва до 5 февруари, 2018 година двете земји треба да го намалат својот стратешки нуклеарен арсенал па ниедна страна да нема предност. Според договорот САД и Русија треба да имаат не повеќе од 800 интерконтинентални нуклеарни проектили на копно и во подморници. Трамп сепак го смета START за „еднострано решение“, слично на нуклеарниот договор со Иран. Американскиот претседател изрази незадоволство и од распоредувањето на ракети со среден дострел од страна на Русија (На пример во Калининград) и посочи дека „кога и ако“ се сретне со рускиот претседател Владимир Путин, ќе го покрене прашањето за нуклеарното оружје и за ракетите со среден дострел.

Во моментов во САД е во средината на обнова на интерконтинентални балистички ракети. Периодот на обнова е 30 години, а предвидените средства се во износ од 1 трилион долари. Истовремено Трамп не ја исклучи можноста да се сретне со севернокорејскиот лидер Ким Јонг Ун „под одредени околности“, но и покрај тоа мислење на американскиот претседател е дека е премногу доцна. Трамп додаде и дека може да се „забрза“ создавањето на противракетна одбрана за Јапонија и Јужна Кореја во одговор на тестовите со проектили на Северна Кореја.