„То Вима“ за преговарачкиот процес меѓу Коѕијас и Димитров: Постои позитивна клима по средбата во Виена
Објавено во: Балкан 18 Февруари, 2018
Постојат точки на поклопување на мислењата, но и позитивна клима по средбата во Виена, а клуч за конечен договор останува комбинацијата од постепена примена на ерга омнес со промена на Уставот, пишува весникот „То Вима“ за преговарачкиот процес кој е во тек меѓу Димитров и Коѕијас.
Постои позитивно расположение за одредени прашања како и делови за кои не се согласуваат, затоа што моментално преговарачкиот процес е сведен на ниво на министри за надворешни работи.
Според весникот „ То Вима“, ниту името „Република Нова Македонија“ не доаѓа предвид.
„Клучна точка останува комбинацијата на постепена примена на ерга омнес со промените во скопскиот Устав, што ги бара грчката страна. Не е јасно колкав напредок е постигнат во оваа точка, но од постоечките информации, Атина не е негативно настроена во однос на тоа да му даде „грејс период“ на Скопје за да го смени внатрешното име. Нормално, ќе треба да се договори точната формула според која ова ќе се направи, но и временскиот периодот (на пр. 1 година). - пишува весникот „То Вима“ во анализата.