Тевдовски: Со еврообврзницата ќе има и за повисоки плати и инвестиции
Објавено во: Економија 13 Јануари, 2018
Ниската камата за еврообврзницата ни заштеди 90 милиони евра а парите нема да ги трошиме на споменици и жалби врби“, изјави вчера министерот за Финансии образложувајќи ја новата еврообврзница.
Тевдовски се правда дека еврообврзницата е издадена со историски најниска каматна стапка а дека парите ќе бидат вложени главно за покривање на буџетскиот дефицит.
„За споредба, претходните пет еврообврзници беа издадени по значително повисоки каматни стапки кои се движат помеѓу 3,975% и 9,875%, односно нивната пондерирана просечна каматна стапка изнесува 5,34%. Со дупло пониската каматна стапка од 2,75%, постигнуваме заштеди по камати во вкупен износ од околу 90,6 милиони евра, во однос на случајот ако се издадеше еврообрзница на истиот износ и рочност, но со повисоката просечна каматна стапка (од 5,34%)“, рече министерот Тедовски.Посликовито, како што истакна, ова ќе биде користено меѓу другото и за повисоки плати и инвестиции во образование и здравство, поддршка на домашните и странските претпријатија, зголемување на средства во одбраната заради прилближување до НАТО стандардите, интензивирање на капиталните инвестиции и слично а со еврообврзницата како што најави Тевдовски ќе бидат вратени и претходно направени долгови. На 29. Јануари ќе се отплати првата рата на PBG-кредитот земен во 2013 година во износ од 95 милиони евра.
Со оглед на тоа што со еврообврзницата враќаме речиси 200 милиони евра претходно наталожени долгови, нето-задолжувањето со оваа еврообврзница изнесува околу 300 милиони евра, потенцираше на крај министерот за финансии.
Можеби ќе ве интересира
ГРАЃАНИТЕ СЕПАК ШТЕДАТ: Koлку се зголемени вкупните депозити на домаќинствата?
СТРИМИНГ ГИГАНТОТ ГИ ИЗНЕНАДИ АНАЛИТИЧАРИТЕ: наспроти забраната за делење лозинка - голем раст на профитот и претплатниците
Марко Бислимовски останува вонреден претседавач на Бордот на регулатори на Енергетската Заедница
ЕСКАЛАЦИЈАТА И ТЕНЗИИТЕ НА БЛИСКИОТ ИСТОК ЈА КАЧИЈА ЦЕНАТА НА НАФТАТА: Еве како да тргувате со црно злато
„АЛКАЛОИД“ СЀ ПОБЛИСКУ ДО ЕВРОПА: Компанијата регистрираше ново друштво во Хрватска, осми по ред правен субјект основан во земја членка на ЕУ
„НАЈСРЕЌЕН СУМ КОГА ГО СОБИРАМ СЕМЕЈСТВОТО И ОДИМЕ ДА ПАКУВАМЕ МЛЕЧНИ ПРОИЗВОДИ“ - познатиот бизнисмен Дабевски ексклузивно за „Бизнис муабети“ на Фактор
ЗА ПОМАЛКУ ОД 2 МЕСЕЦИ: Кој директор на државна фирма успеа да потроши 35 милиони евра?
ЗА ПЛОЧКАР, МОЛЕР, ФАСАДЕР МОЖЕ ДА СЕ СЛУЧИ ДА ЧЕКАТЕ СО МЕСЕЦИ: Дали се ова „златни времиња“ за занаетчиите?
