16 Јануари, 2018
1.3901
    KMB 3051.4    0.8%     OKTA 3105    -2.26%     RMDEN16 94.1    0.48%     RZUS 103    0%     STB 930    0%

Тевдовски: Нето-задолжувањето со оваа еврообврзница изнесува околу 300 милиони евра

Објавено во: Економија 12 Јануари, 2018

Mинистерот за финансии, Драган Тевдовски денеска изјави дека нето-задолжувањето со оваа еврообврзница изнесува околу 300 милиони евра. 

Вели дека интересот на инвеститорите бил огромен, а тие беа подготвени да вложат над 3,5 милијарди евра. Според Тевдовски, ова е најцврст можен доказ дека меѓународните инвеститори веруваат во перспективите на македонската економија и долгорочната стабилност на земјата.

„За споредба, претходните пет еврообврзници беа издадени по значително повисоки каматни стапки кои се движат помеѓу 3,975% и 9,875%, односно нивната пондерирана просечна каматна стапка изнесува 5,34%. Со дупло пониската каматна стапка од 2,75%, постигнуваме заштеди по камати во вкупен износ од околу 90,6 милиони евра, во однос на случајот ако се издадеше еврообрзница на истиот износ и рочност, но со повисоката просечна каматна стапка (од 5,34%). Приливите од еврообврзницата ќе се користат главно за покривање на буџетскиот дефицит. Посликовито, ова ќе биде користено меѓу другото и за повисоки плати и инвестиции во образование и здравство, поддршка на домашните и странските претпријатија, зголемување на средства во одбраната заради прилближување до НАТО стандардите, интензивирање на капиталните инвестиции и слично. Покрај ова, со еврообврзницата ќе бидат вратени и претходно направени долгови. На 29. jануари ќе се отплати првата рата на PBG-кредитот земен во 2013 година во износ од 95 милиони евра“ - вели Тевдовски. 

Министерот рече дека ги искористиле поволните услови на меѓународните пазари и срушиле дел од огромниот ѕид на долгови со кои се соочува Македонија во 2020 година. Додава дека предвреме е вратена една третина од еврообврзницата од 270 милиони евра издадена во 2015 година која достасува во декември 2020 и чија што каматна стапка на издавање од 4,875% е значително повисока од каматна стапка на новоиздадената еврообврзница од 2,75%.

„Со ова го намаливме долгот кој достасува во 2020 година и обезбедивме значително понизок ризик на рефинансирање. Македонија првпат во историјата прави ваква операција на предвремено враќање на дел од еврообврзница, со што се сврстува во редот на развиените земји каде ваква проактивна политика на управување со јавниот долг е стандардна процедура“ - рече Тевдовски.  

Македонија успешно издаде еврообврзница со историски убедливо најниска каматна стапка од 2,75%, рече министерот. 

Можеби ќе ве интересира

Сузана Наумоска Изида: Основав бизнис кога сите се сомневаа и имаа предрасуди

Сузана Наумоска Изида: Основав бизнис кога сите се сомневаа и имаа предрасуди

КОПАЧИТЕ НА БИТКОИН: Дали сте подготвени на лоши вести?

КОПАЧИТЕ НА БИТКОИН: Дали сте подготвени на лоши вести?

Дизелот ќе ја надмине цената од евро за литар - Претпазливост од инфлациски влијанија

Дизелот ќе ја надмине цената од евро за литар - Претпазливост од инфлациски влијанија

ЧЕВЛАРИТЕ КУБУРАТ ЗА КВАЛИТЕТНИ И МЛАДИ РАБОТНИЦИ: Каде ќе го бараат спасот?

ЧЕВЛАРИТЕ КУБУРАТ ЗА КВАЛИТЕТНИ И МЛАДИ РАБОТНИЦИ: Каде ќе го бараат спасот?

Секој втор во ЕУ користи интернет банкарство, кај нас едвај секој десетти

Секој втор во ЕУ користи интернет банкарство, кај нас едвај секој десетти

Бизнис бомбона! Колку пари не горат за струјата произведена од сонце?

Бизнис бомбона! Колку пари не горат за струјата произведена од сонце?

Германија му врти грб на доларот?

Германија му врти грб на доларот?

Стопанска комора: Владата да ја забрза имплементацијата на иницијативите на бизнисмените

Стопанска комора: Владата да ја забрза имплементацијата на иницијативите на бизнисмените

Цената на нафтата расте - Се зголемува јазот меѓу населението и елитата

Цената на нафтата расте - Се зголемува јазот меѓу населението и елитата