Стопанска Банка а.д. Битола одликувана со признанието „Добар бренд„

Добивај вести на Viber

Стопанска Банка а.д. Битола го поддржа ЕУ финансираниот проект Смарт старт - Одржливо влијание на граѓанското општество преку социјално претприемништво и иновации во Босна и Херцеговина, Македонија, Црна Гора, Србија и Турција.

Банката влегува во овој проект со огромен ентузијазам. Наша цел е што поуспешно развивање на концептот за социјално претприемништво- можност истиот да прерасне во вообичаен начин за водење на бизнис.

Со поддршка на социјалните претпријатија посакуваме да се достигне моментот кога сите ние ќе размислуваме каде и од кого ги набавуваме нашите добра и услуги, и кој е социјалниот импакт од тие наши потрошувачки одлуки.

Честитки за проектот финансиран од ЕУ „Смарт Старт„и на Центарот за истражување и креирање политики, кои успејаа да најдат интересни, општестено корисни идеи кои имаат сериозни изгледи да прераснат во успешни бизнис приказни.

Социјалните претпријатија се соочуваат со специфични предизвици – да обезбедат задоволни клиенти со нивната понуда, воедно задоволувајќи и работејќи за општествената заедница и социјалните цели, заштита на животната средина или пронаоѓање на решение за некој социјален проблем.

Веруваме во win-win позицијата на овој проект. Од една страна социјалните претпријатија кои ќе ги добијат потребните вештини и верба за ефективно водење на нивниот бизнис, и од друга страна ние кои, со својата експертска помош, ќе помогнеме во развојот на успешни приказни за нашето општество.

Mенторската поддршка која ја даваме на едно од социјалните претпријатија од овој проект, не вброи во групата од десет етаблирани македонски компании кои беа одликувани како „Добри бреднови“.