Србија и Косово ќе ги продолжат преговорите под посредство на ЕУ
Објавено во: Балкан 19 Јануари, 2018
Српскиот и косовскиот претседател Александар Вучиќ и Хашим Тачи се согласија да продолжат разговорите за нормализирање на односите меѓу двете земји.
Ова го изјавила портпаролката на високиот претставник на ЕУ за надворешни работи и безбедносна политика Федерика Могерини , Маја Костиничиќ. Таа објаснила дека двајцата претседатели имале телефонски разговор и се согласиле да ги продолжат разговорите со посредство на ЕУ во Брисел.
„Континуираниот дијалог е единствениот начин да се обезбеди сигурност и трајна стабилност во Косово, Србија и низ цела Европа“, истакна Костиничиќ. Според неа, „исполнувањето на договорените работи досега е обврска за двете страни и тоа ќе ја одреди брзината на нивниот напредок кон европската интеграција„.
Српската делегација се повлече од разговорите по убиството на водачот на косовските Срби Оливер Иванов во Митровица пред три дена.
Во исто време, стана јасно дека косовската полиција го пронајде последниот сопственик на автомобилот кој бил изгорен по убиството. „Последниот сопственик на автомобилот на Opel Astra е некаде во Србија„, изјави Бесим Хута од косовската полиција за локалниот весник Експрес.
„Овој автомобил бил во Србија од 2009 до 2017 година“, рече тој, цитиран од медиумите, а заменик-министерот за внатрешни работи на Косово, Милан Радојевиќ, за возврат рече дека досега биле испрашувани 6 лица за убиството на Ивановиќ.
Српскиот министер за внатрешни работи, Небојша Стефановиќ, тврди дека „приштинските власти одбиваат да соработуваат со српските институции во истрагата за убиството“.