Сите бизниси на Макпетрол за шест месеци во позитива
Објавено во: Економија 18 Август, 2017
Макпетрол АД Скопје гледано според консолидираниот финансиски извештај за периодот јануари-јуни 2017 каде се внесени сите бизниси има благ раст како на вкупните приходи, така и на остварената крајна добивка кои се во позитива во однос на истиот период за претходната година.
Макпетрол за шест месеци од 2017 остварил вкупни приходи од речиси 8,6 милијарди денари што е раст за 1 милијарда денари споредено со првото полугодие од 2016 година.
Макпетрол АД Скопје првотo полугодие од 2017 година го заврши со добивка во износ од 118,26 милиони денари. Во истиот период 2016 година компанијата оствари добивка во износ од 93,55 милиони денари.
Оперативните расходи на Макпетрол во шесте месеци од годинава достигнале 8,5 милијарди денари при што најголемо зголемување споредено со 2016 година има во делот на набавната вредност на трговските стоки за околу 1,2 милијарди денари.
Крајната оданочена добивка на Макпетрол АД Скопје за првите шест месеци од годинава изнесува 118,2 милиони денари. Лани за истиот полугодишен период профитот на Макпетрол достигнал 93,5 милиони денари.