СИЛНО СВЕТНАЛ ДЕН, ВОДИТЕ ОСВЕТЕНИ,БОГ СЕ ЈАВИ: Крстот во Скопје по 5-ти пат во раце на Даниел
Објавено во: Македонија 19 Јануари, 2018
По повод големиот христијански празник Богојавление - Водици кој го слават православните верници, денеска напладне во водите на Вардар во Скопје скокнаа 154 верници по светиот крст од мостот Слобода.
Сонцето ја најави пораката дека Бог се јави, а крстот кој поглаварот на Македонската православна црква г.г. Стефан го положи, од водите на Вардар го извади по петти пат Даниел Дончевски од скопската населба Ченто .
Тој посака сплотеност, мир и со вистинска вера да ги празнуваме празниците. Посака здравје за сите а најмногу на Биле Пешевска која се бори против тешка болест и токму нејзе и посака најмногу здравје.
Денес традиционално, во Македонија во речиси сите населени места, свештениците го фрлаат ритуалниот крст во некоја поголема вода – река, езеро или базен, а луѓето скокаат во водата и се обидуваат да го фатат крстот. Се смета дека на тој ден сите води се крстени и исто така оној што ќе го најде крстот ќе биде среќен во следната година.
Овој ритуал го симболизира влегуањето на Христос во реката Јордан.