ШТО ДА РАБОТАМ КОГА ЌЕ ПОРАСНАМ: Овие професии во Македонија имаат највисоки плати
Објавено во: Финансии 22 Април, 2017
Што да бидам кога ќе пораснам?
Прашање на кое треба сами да му го дадете одговор, но и да внимавате што ќе изберете ако сакате добра плата.
Различна професија, уште поразлични плати.
Според последниот извештај на Заводот за статистика најплатените професии во Македонија се воздухополовството и компјутерската индустрија.
Највисока просечна плата е регистрирана во компјутерското програмирање. Во февруари ИТ програмерите земале плата од 49 180 денари.
Високи плати се забележани и во складирањето и помошни дејности во превозот, производството на фармацевстки производи, во правните и сметководствените, како и во финансиско-услужните дејности.
Наспроти тоа најмали плати, статистка регистрира во секторот производството на кожа, 11 799 денари, а потоа следат производство на облека, одржувањето на згради и животната средина, производство на мебел.
Просечната плата според ДЗС во февруари изнесува 22 347 денари.
Синдикатот вели дека има простор да се зголеми просечната плата, но сепак се додека не се формира влада не може да се преземе ништо.