ШПАНИЈА СО НАЈЕКСТРЕМНИ МЕРКИ ПРОТИВ КАТАЛОНИЈА: Мадрид активира „Нуклеарна опција“
Објавено во: Свет 19 Октомври, 2017
Само што каталонскиот лидер Карлес Пуџдемон во писмо до шпанскиот премиер Маријано Рахој напиша дека, наскоро, доколку не дојде до дијалог, „експлицитно ќе прогласи независност“, Мадрид екстремно брзо реагираше.
Шпанската влада го активираше член 155 и со тоа ја суспендираше автономијата на Каталонија. Владата на Шпанија по тој повод во сабота ќе одржи седница.
Потсетуваме , член 155 е најекстремната мерка кон која може да посегне шпанската влада доколку една автономна област прогласи независност.
Во политичките кругови тој член го нарекуваат и „нуклеарна опција“ , додека поранешниот министер за надворешни работи Хозе Мануел Гарсија го нарече „атомска бомба“.
Се работи за екстремна мерка предвидена за екстремни ситуации. Таа мерка во Шпанија никогаш не е воведување.
Тој член предвидува доколку на некоја регионална влада, во случај да се загрозат интересите на шпанската држава, може да и се одземат сите овластувања - и префрли на централната влада во Мадрид.
Доколку граѓаните на тој регион поради тоа се побунат, владата во одбрана на интегритетот на државата има во тој случај право да примени „институционална сила“.
Тоа би било во случај на Каталонија во крајна линија би можело да значи судир кој би можел да прерасне во граѓанска војна.