Шилегов: Македонија ќе биде држава каде се почитуваат законите по разрешувањето на Зврлевски
Објавено во: Македонија 18 Август, 2017
Пратеникот Петре Шилегов посочи дека со разрешувањето на јавниот обвинител Марко Зврлевски ќе започне процесот на враќање на правдата и сега ќе може да се воведат сите планирани реформи во правосудството.
- Разрешувањето на Марко Зврлевски го означува почетокот на реформите во судството, кои што ќе донесат правда и правичност за сите.Ова е прв чекор кон создавање независен и професионален судски систем, наспроти селективната правда и монтираните судски процеси што ги инсталираше раководството на ВМРО-ДПМНЕ, рече Шилегов.
По разрешувањето на Марко Зврлевски кое непотребно се оддолжи со недели треба да следи процедура на кандидирање на потенцијални заменици кои треба да бидат оценети и од Советот на јавни обвинители за потоа да се продолжи со процедурата во Собранието.