Путин ја потсети Европа на Косово и рече дека самите се „нашле на удар“
Објавено во: Свет 19 Октомври, 2017
Рускиот претседател, Владимир Путин смета дека Европа самата е виновна за сепаратизмот.
Тој денеска изјави дека земјите членки на Европската унија, со поддршката за распаѓањето на некои земји и одвојувањето на Косово од Србија, само го поттикнале растот на сепаратистичките тензии во Европа.
Путин рече дека со тоа самите си се „нашле на удар“, како во случајот со Каталонија.
Путин во ображањето на завршната пленарна седница на Меѓународниот дебатен клуб „Валдај“ во Сочи, го повтори ставот на Русија дека ситуацијата во Каталонија е внатрешно прашање на Шпанија.
„Видовме од ЕУ и поголемиот број на држави, едногласна осуда за оние кои ја поддржуваат каталонската незавиност. Знаете, не можам, а да не забележам нешто во врска со тоа – требаше за тоа да размислувате порано“- вели Путин.
Тој додаде дека, своевремено Европа практично со добредојде прифати поголем број земји, а потоа едногласно ја поддржа независноста на Косово, „покренувајќи слични процеси во други региони на Европа и во светот“.
Инаку, шпанската влада закажа вонредна седница на која ќе ја започне постапката за укинување на автономијата на Каталонија.