ПОРАЗИТЕЛНО: Во оваа земја 70% од работниците не земаат плата навреме
Објавено во: Економија, Балкан 24 Март, 2017
Во соседна Србија 70% од работниците не земаат плата редовно, од кои третина ги чекаат платите од 30 до 90 дена, а на 7% платата им доцни и повеќе.
Ова го објавија од Мрежата за деловна поддршка.
Се наведува дека работниците не се заштитени во Србија, за разлика од другите земји во опкружување, а се спомнува дури и дека во Македонија положбата на работниците е подобра иако државата е во криза.
„Иако Македонија е во политички проблеми, вработените имаат поголеми права и нема ниту еден случај на самоубиство или работниците сами да си ги сечат прстите како во Србија“ - вели Драгољуб Рајиќ од Мрежата за деловна поддршка.
Тој вели дека српските работници се препуштени сами на себе затоа што државата единствено ја интересира да наплати даноци.
Секоја година во Србија 8% од фирмите затвораат, а кризни месеци се јануари, февруари и летните месеци.