Османи: Банкнотите и монетите ќе бидат на албански
Објавено во: Македонија 24 Февруари, 2017
Портпаролот на ДУИ, Бујар Османи во вечерашната емисија „Патот кон“ на ТВ Алсат-М, на прашањето дали албанскиот јазик ќе се користи и на банкнотите и на монетите, кажа дека во член 8 од новиот закон било предвидено и тоа.
„Со Заев договоривме албанскиот јазик да го има на парите. Како член 8 од овој закон, и банкнотите и монетите ќе бидат на албански. Овој закон е за употреба и заштита на албанскиот јазик. Тука многу јасно се предвидени механизмите за набљудување на употребата на албанскиот јазик и казнувањето на евентуалното неупотребување на албанскиот јазик“- рече Османи.
Со прецизни казни се предвидуваат 3.000 до 5.000 евра за институцијата, 30% за физичкото лице на таа институција. Дефинирани се сите компетенции на тој инспекторат, но и на агенцијата која ќе го направи стандаризирањето и одбраната, додаде Османи.