МИСИЈАТА УСПЕШНА: Кинезите го дочекаа возот од Лондон
Објавено во: Свет 29 Април, 2017
Директниот воз што ќе ги поврзува Кина и Велика Британија, го заврши успешно патувањето од Лондон до Јиву.
Возот поминал 12 илјади километри, откако во јануари го изврши истиот курс, само во обратна насока. Така товарен возот направи комплетен курс меѓу двата града, кој е со вкупна должина од 24 илјади километри.
Операторот на возот - кинеската компанија „Yiwu Tianmeng Industry“ објави дека возот пристигнал во Јиву денеска во 9.30 часот утрото по локално време (4.30 часот). Патувањето траело вкупно 20 дена - со два повеќе отколку што беше предвидено. Првиот курс - од Јиву до Лондон, беше поминат за 15 дена.
Сега возот превезувал од виски и млеко за бебиња до лекови и машини. Тој замина од Лондон на 10 април и помина низ Франција, Белгија, Германија, Полска, Белорусија, Русија и Казахстан.
Ова е втор по должина во светот железнички пат во светот. Единствено линијата Кина-Мадрид, отворена во 2014 година, е подолга. Руската Транссибирска железничка линија е со 1000 километри пократка.