Мицкоски: ВМРО-ДПМНЕ силно ќе се бори против кревање на даноците
Објавено во: Македонија 26 Јуни, 2017
ВМРО-ДПМНЕ жестокот ги критикува најавените даночни промени кои ги планира СДСМ со цел да се воведе прогресивно оданочување со цел да се соберат повеќе пари во буџетот, а со тоа и да има редистрибуција на доходот на поправичен начин . Христијан Мицкоски на денешната прес конференција рече дека со овие промени ќе им се наштети на граѓаните, а ќе се намалат и странските инвеститори.
- ВМРО-ДПМНЕ силно ќе се спротивставувa на планот на СДС да ја менува даночната политика, односно да ги зголеми даноците во Република Македонија.
Министерот предложен во владата од страна на СДС господинот Тевдовски со најавата дека ќе ги зголеми даноците врши силен негативен удар врз економијата во нашата држава, но и директно удира по џебот на граѓаните.
Програмата на Владата предводена од СДС вели дека ќе се воведе персонален данок на доход со две променливи стапки од 10% и 18%. За волја на вистината СДС сакаат да го зголемат данокот за граѓаните и бизнис заедницата за цели 80%.
Сакаме да предупредиме и да изразиме загриженост дека оваа анти-реформа при која ќе се зголемат даноците ќе ја врати Република Македонија 20 години наназад. Да потсетиме дека во минатото СДС и пред 2006-тата година имаа неуспешни обиди за зголемување на даноците со променлива стапки од 15%, 18% и 24%, кои се покажаа како кобни и ја втурнаа во пропаст македонската економија,посочи Мицкоски.