Колку чинат штетите од земјотресите во Охрид?
Објавено во: Македонија 18 Август, 2017
Штетите од серијата земјотреси што ова лето го погодија Охрид и околината чинат 58 милиони денари, информираше денеска Општинската комисија за проценка на штети.
Штетите од се од прва, втора и трета категорија и така ќе оди исплаќањето. Прва категорија се објекти со оштетувања, но во кои може да се живее, втора категорија се објекти кои претпрпеле поголеми штети, а трета категорија се објекти каде нема услови за живеење.
До општинската комисија поднесени се 854 барања за проценка на штети, 802 за индивидуални објекти и 52 за деловни објекти.
„Штетата кај индивидуалните објекти изнесува 48 милиони денари, а кај деловните 9 милиони денари“- изјави Раде Велјаноски, претседател на Општинската комисија за проценка на штети од елементарни непогоди.
Извештајот на Оштинската комисија денеска го разгледува советот на Охрид, по што истиот ќе биде испратен до соодветната владина комисија, која во рок од 6 месеци треба да се произнесе по него, по што ќе следи исплата на штетите.