Кој го извади крстот од осветените води во Битола, Делчево, Куманово?
Објавено во: Македонија 19 Јануари, 2018
Македонија и православните верници го празнуваат Богојавление. Со традиционално осветување на водите во реките и езерата ширум државата се положуваше светиот крст по кој скокаа млади момчиња, но и девојки.
Најсреќен во Битола беше 15 годишниот Петар Атанасовски кој го пронајде крстот во осветените води во базенот во соборниот храм Свети Великомаченик Димитриј .
Во Делчево од осветените води на реката Брегалница крстот го извади Кирил Ѓеоргиевски од населбата Милково Брдо.
Во фрлањето по светиот крст во Дебар учествуваа пет лица, од кои најсреќен беше Чедо Петревски, студент на ДИФ.
Дваесетгодишниот Симе Пешевски е момчето кое имаше најмногу среќа од скокачите во Соборниот храм „Свети Никола“ во Куманово.
На денешниот празник, Богојавление-Водици во водите на Крива Река по Богојавленскиот крст скокнаа 30-тина верници, а најсреќниот кој го извади крстот од водите на реката беше Ренато Велковски.