Изборите во Франција удар за еврото
Објавено во: Економија 23 Февруари, 2017
Еврото вчера се намали за кратко под 1,0500 долари за прв пат во шест недели.
Ова е поради загриженост околу претседателската трка во Франција, а во исто време американската валута има поддршка од растечките очекувања за неодамнешното ново зголемување на американските камати.
Резултатите од последните анкети покажуваат дека кандидатот на екстремната десница - Марин Ле Пен ќе победи без проблем во првиот круг на француските претседателски избори, но во вториот круг ќе загуби или од поранешниот министер за економија, Емануел Макрон, или од поранешниот премиер, Франсоа Фијон. Стравувањата дека Ле Пен може на крајот да победи во трката и да закаже референдум за „Фрекзит", водат до проширување на каматните стапки меѓу државните обврзници на Франција и Германија. Еврото се намали за 0,7% до две и пол месечно дно од 118,60 јени (најниско ниво од 29-ти ноември 2016-та година) и падна за кратко до двомесечно дно од 0,8402 фунти пред да се враќти назад на ниво од 0,8440.