(ГАЛЕРИЈА) Во Собранието ќе продолжи конститутивната седница
Објавено во: Македонија, Галерија 30 Март, 2017
Собранието на Република Македонија денеска ќе ја продолжи конститутивната седница на која се дебатира за избор на претседател, заменик на претседателот, членови и нивни заменици на Комисијата за прашања на изборите и именувањата.
Пратениците од ВМРО-ДПМНE вчера ги повторија барањата, јасно да се каже што е договорено со ДУИ, но и да се отфрли Тиранската платформа. Според ВМРО-ДПМНЕ, единствен излез од политичката криза е одржување предвремени парламентарни избори заедно со локалните.
Пратениците од СДСМ, побараа да не се крши Деловникот. Тие велат дека дебатата треба да се фокусира на точката на дневниот ред и да се остави за секое прашање да се дебатира кога ќе дојде време за тоа.
Веќе три дена се дебатира во Собранието, а претседател на Собранието уште не е избран. За оваа функција предложен е Талат Џафери од ДУИ.
ФОТО ФАКТОР