(ГАЛЕРИЈА) Премиерот доби покана за Нова година да оди во Солун, Заев вели ќе размисли

Добивај вести на Viber

Со жалење и сочуство за загинатите во поплавите во Грција премиерот Зоран Заев денеска го пречека солунскиот градоначалник Јанис Бутарис.

Премиерот на пресконференицијата рече дека на средбата се разговарало за прашања од непосреден и заеднички интерес, остварување на заедничките цели и интензивирање на комуникациите помеѓу двете соседни земји.

„Прекуграничната соработка, отворањето можности за соработка во туризмот, културата и локалните политики се од голема важност за граѓаните на Македонија и Грција бидејќи директно влијаат на квалитетот на животот затоа Владата ќе ги поддржи сите проекти од идните договори за конкретна соработка“, рече премиерот.

Градоначалникот на Солун, Јанис Бутарис посочи дека на средбата не се опфатени прашања од надворешната политика, туку е дискутирано за соработката меѓу претставниците на локалните власти која е важна за понатамошна соработка меѓу луѓето и земјите.

Бутарис рече дека го поканил премиерот Зоран Заев да дојде во Солун приватно, да ги поминат празниците заедно, додека премиерот рече дека ќе размисли за понудата, дека идејата е добра и можеби заедно со Ципрас заедно ќе ја дочекаат 2018.