(ФОТО) Премиерите Заев и Борисов ставија потпис на договорот за пријателство
Објавено во: Македонија, Галерија 01 Август, 2017
Со потпишувањето на овој договор за пријателство, пред се до нашите граѓани, а оттука и до регионот, до Европските земји и САД испраќаме пораки дека ќе градиме добросоедство, подаваме рака и ќе ги следиме интересите на нашите граѓани, рече премиерот Зоран Заев кој по потпишувањето на договорот рече дека со него се става минатото како темел на иднината.
Овој договор нека биде успех и идеја и за земјите од регионот рече премиерот Заев.
Договорот, кој е потпишан на македонски јазик согласно Уставот на Македонија и на бугарски согласно Уставот на Бугарија, предвидува поддршка на Софија на евро-атлантските аспирации на Скопје, соработка на билатерален и мултилатерален план, унапредување на транспортните врски и комуникации, олеснување на царинските и граничните формалности, издвојување средства за регионални инфраструктурни и прекугранични проекти, како и олеснување на контактите меѓу граѓаните на двете држави.