20 Јануари, 2018
0.4780
    ALK 7650    0.02%     BESK 9991    -3%     GRNT 824.02    0.32%     KMB 3152.12    0.17%     MTUR 4250    1.19%     OHB 5200    4%     OKTA 3111    -8.96%     RMDEN16 94.4    0%     RZUS 113    9.51%     SLAV 6100    95.89%     STB 960    1.65%     STIL 151.56    0.58%     TIKV 153    -2.55%     TKVS 3202    1.72%     TNB 13228.04    0.22%     TTK 951.17    1.04%     UNI 2000    0.03%     ZPKO 2710    4.23%

Дали Мицкоски екипираше јаки кадри во новата структура на ВМРО-ДПМНЕ?

Објавено во: Анализа 13 Јануари, 2018

Христијан Мицкоски, новиот претседател на ВМРО-ДПМНЕ, го направиот првиот покрупен чекор од кога е на функција со тоа што го избра тимот со кој ќе ја раководи опозициската партија, особено со новиот Извршен комитет, но и со двете нови тела Советот на претседателот на ВМРО-ДПМНЕ и Советот на извршниот комитет. 

Како негови потпретседатели ги доби Митко Јанчев меѓу тројцата. Актуелниот градоначалник на општина Кавадарци ја издвојува најголемата победа за ВМРО-ДПМНЕ на последните локални избори кои партијата ги заврши катастрофално. За него имаше претпоставки и дека ќе биде идниот претседател на ВМРО-ДПМНЕ но, никогаш не поднесе кандидатура пред Конгресот и беше воздржан за терминот, и секако даде поддршка за избор на Мицкоски како единствен кандидат.

Потпретседател стана и Владо Мисајлоски, екс министерот за транспорт и врски, кој на последните локални избори се кандидираше за градоначалник на Ѓорче Петров, но загуби во вториот круг. Тој исто така беше во фокусот на вниманието откако беше опожарен неговиот дом и фурната со поголема материјална штета. 

Трет потпретседател е Александар Николовски, еден од поискусните пратеници на ВМРО-ДПМНЕ, кој беше спречен да стане нов амбасадор на Република Македонија во Брисел на истекот на претходниот мандат на пратениците кога веќе беше јасно дека ќе се распишат локалните изобори и немање кворум на собраниската седница.


Генерален секретар на партија е Игор Јанушев, последниот директор на ЈСП пред ВМРО-ДПМНЕ да ја напушти власта во град Скопје, а во него има потенцијал за оператива на терен, особено во скопскиот регион.

Влатко Ѓорчев е на некој начин унапреден во постојан Координатор на Пратеничката група на ВМРО-ДПМНЕ во Собранието, но оваа функција ќе биде само на хартија доколку пратениците на опозицијата не го прекинат бојкотот и активно се вклучат во парламентарната дебата. За тоа пречка, секако е веќе наметнатиот услов за амнестирање на осомничените од ЈОРМ за терористичко загрозување на уставниот поредок и безбедноста. 

Овој состав на своевидното претседателство на ВМРО-ДПМНЕ има потенцијал бидејќи не се влече со обвиненија од СЈО и судски процеси, има доволно легитимитет поради ангажманот пред партиското пошироко членство и промовира можност за современи демохристијански принципи, но тоа треба да се докаже и на дело.

На „замрзнат терен“ на партијата се Илија Димовски и Антониот Милошоски кои повеќе не се дел ниту од Извршниот комитет и немаат никакви други функции, но претседателот Мицкоски истакнал дека за нив секогаш има можност да се вклучат во партиските структури и дека нема поделби.

Автор: Христијан Станоевиќ

Можеби ќе ве интересира

Како Владата ќе ја оцени „петката“ на Нимиц?

Како Владата ќе ја оцени „петката“ на Нимиц?

Владата ќе ја оценува „Рамката“ на Нимиц

Владата ќе ја оценува „Рамката“ на Нимиц

Што чека ВМРО-ДПМНЕ за да се вклучи во консензус за името?

Што чека ВМРО-ДПМНЕ за да се вклучи во консензус за името?

Нимиц со терминот „Македонија“ за решението ги побесна грчките десничари

Нимиц со терминот „Македонија“ за решението ги побесна грчките десничари

ПАВЛОВСКА-ДАНЕВА: Законот за јазиците не може да се носи без опозицијата

ПАВЛОВСКА-ДАНЕВА: Законот за јазиците не може да се носи без опозицијата

Активно вклучување на бизнис-заедницата во Берлинскиот процес, за долгорочен развој

Активно вклучување на бизнис-заедницата во Берлинскиот процес, за долгорочен развој

ЧУПЕСКА - СТАНИШКОВСКА: Во Струмица ќе нема двојазични униформи

ЧУПЕСКА - СТАНИШКОВСКА: Во Струмица ќе нема двојазични униформи

Urime - Македонија стана двојазична држава

Urime - Македонија стана двојазична држава

Касами со последен потег како лидер на БЕСА

Касами со последен потег како лидер на БЕСА