Британците ќе нема кој да ги лечи по Брегзит

Добивај вести на Viber

Околу 12 000 лекари, дипломирани во Европската економска зона, може да ја напуштат Британија, бидејќи се чувствуваат несигурни за својата иднина по референдумот за Брегзит,  пишува британскиот весник „Гардијан".

Студијата на Британската медицинска асоцијација предизвикува стравувања дека недостигот на специјалисти во британските болници може да се продлабочи.

Истражувањето на Британската медицинска асоцијација се базира на одговорите на 1193 лекари кои работат во земјата.  Четириесет и два проценти од нив изјавиле дека размислуваат да ја напуштат Велика Британија, 23% не биле сигурни, а само 39% се изјасниле дека немаат таква намера.

„Во време кога Националната здравствена каса веќе ја достигна точката на рефракција и се соочува со тежок недостаток на персонал, тоа би било катастрофа"- вели д-р Марк Портер, претседател на советот на асоцијацијата.

Според официјалните податоци во Велика Британија работат 280 932 лекари, а 11% добиле квалификации во друга земја од Европската економска зона.

Портпаролот на Министерството за здравство изјави дека владата сака лекарите и медицинските специјалисти, кои добиле квалификациите во други земји, да продолжат со работата во Велика Британија.