ВМРО-ДПМНЕ: Ако СДСМ и ДУИ формираат влада ќе има тензии
Објавено во: Македонија 23 Февруари, 2017
Ако не се состави влада на победничките партии, тогаш има долга листа на чекори што би можеле да се преземат, рекле од ВМРО-ДПМНЕ попладнево на средбата со дипломатите.
Што од тоа би одбрале, во овој момент не би можело да биде соопштено, додале од партијата.
„Ние ќе направиме сè што е во наша моќ да ги задржиме мирот и стабилноста, но не знаеме како ќе се одвиваат работите. Ќе има тензија, луѓето се вознемирени“- соопштил лидерот Никола Груевски.
Ова, како што информираа од ВМРО-ДПМНЕ било истакнато попладнево на средбата на Груевски со британскиот министер за Европа и Америка, Алан Данкан во седиштето на партијата. На високиот гостин му било нагласено дека ако СДСМ, ДУИ и другите помали албански партии решат да формираат влада, во тој случај ќе има тензии.